„Þátttakendur lýstu sameiginlegum vilja til að taka þátt í að endurbyggja samfélagið, skapa

ný tækifæri og efla atvinnulíf Grindavíkur með framsýni, seiglu og nýsköpun að leiðarljósi.“

Gjánni, Grindavík – 12. nóvember 2025

Verkefnið er á vegum Sambands sveitarfélaga á Suðurnesjum, unnið í nánu samstarfi við

Markaðsstofu Reykjaness og Grindavíkurbæ. Íslenski ferðaklasinn leiðir framkvæmd

verkefnisins í samstarfi við marga góða aðila, s.s Sjávarklasann, Íslandsstofu og fleiri.

Verkefnið er fjármagnað úr sjóði Byggðaáætlunar 2022-2036.

Á fundinum ríkti sterkur andi samstarfs og bjartsýni á framtíðina. Þátttakendur lýstu

sameiginlegum vilja til að endurbyggja samfélagið, skapa ný tækifæri og efla atvinnulíf

Grindavíkur með framsýni, seiglu og nýsköpun að leiðarljósi.

Í umræðum kom fram skýr þörf á að byggja á þeim sterku gildum sem Grindavík hefur löngum

staðið fyrir. Jafnframt var bent á mikilvægi þess að auka skilning þeirra sem starfa utan

svæðisins á sérstöðu Grindavíkur og tryggja að þau tækifæri sem felast í sameiginlegri nálgun

atvinnulífsins verði nýtt til fulls.

Sérstaka athygli vakti þátttaka nýs fyrirtækis í sælgætisframleiðslu sem nýverið hefur hafið

starfsemi í Grindavík – skýr vísbending um trú á framtíðinni og þann kraft sem býr í samfélaginu.

Verkefnið Grindavík – Saman í sókn er sameiginlegur vettvangur fyrirtækja í Grindavík til að:

Sérstök áhersla er lögð á ferðaþjónustu, bláa hagkerfið, þjónustu, skapandi greinar og iðnað –

stoðir sem saman endurspegla fjölbreytni og styrk atvinnulífs Grindavíkur.

Fundurinn í Gjánni markaði upphaf að sex vinnustofulotum þar sem fyrirtækin taka þátt í

samræðu, greiningu og framtíðarmótun á grundvelli aðferða samkeppnishæfni og

klasasamstarfs.

Markmiðið er að kortleggja tækifæri, greina þarfir fyrirtækja og móta sameiginlega sýn til næstu

ára.

Sú vinna verður leiðarljós áframhaldandi uppbyggingar og ímyndarvinnu bæjarins.

Þátttakendur í Grindavík – Saman í sókn

Grindavík - Saman í sókn