Ferðaþjónustuvikan 2026 fer fram 13.–15. janúar og sameinar lykilaðila ferðaþjónustunnar í umræðu um framtíð greinarinnar, nýsköpun, tækni, öryggi og sjálfbærni.

Alþjóðlega PHOENIX-verkefnið opnar ný fjárhagsleg tækifæri fyrir íslensk ferðaþjónustufyrirtæki sem vilja styrkja sjálfbærni, seiglu og stafræna færni. Umsóknarfrestur er 15. janúar–15. mars.

Anna Katrín Einarsdóttir – nýr og öflugur liðsauki hjá Ferðaklasanum Framundan eru spennandi tímar og það gleður okkur sérstaklega að kynna Önnu Katrínu Einarsdóttur sem nýjan liðsmann í Ferðaklasanum. Hún kemur inn með dýrmæta reynslu, jafnvægi og góða nærveru sem mun tvímælalaust styrkja starf okkar á næstu misserum.

Kynningarfundur ferðaþjónustunnar í Ölfusi, haldinn 20. nóvember í Ráðhúsi Ölfuss, markaði mikilvægt skref í sameiginlegri framtíðarsýn svæðisins. Ferðaþjónustuaðilar, fyrirtæki og samstarfsaðilar komu saman til að ræða uppbyggingu, ný tækifæri og áskoranir. Á fundinum var einnig undirritaður samstarfssamningur um inngöngu Ölfus Cluster í Íslenska Ferðaklasann — skref sem styrkir samvinnu og þróun ferðaþjónustunnar á svæðinu.

Ratsjá markaðsstofanna hófst 18. nóvember, þar sem allar sjö markaðsstofur landsins taka þátt í þriggja mánaða sameiginlegu fræðslu- og þróunarverkefni. Þetta er í fyrsta sinn sem Ratsjáin er keyrð á landsvísu, en hingað til hefur hún verið ætluð fyrirtækjum í ferðaþjónustu. Markmiðið er að efla samræmda, sjálfbæra og sameiginlega þróun á sviðum sem snerta alla landshluta, óháð stærð eða staðsetningu.

Verkefnið undirstrikar mikilvægi samstarfs í ferðaþjónustu, þar sem sameiginleg sýn, þekkingarmiðlun og þverfaglegt vinnulag styrkja þróun, nýsköpun og áhrif gagnvart stjórnvöldum og samstarfsaðilum. Þemun sem unnið er með byggja á greiningu á helstu áskorunum og tækifærum greinarinnar og snúa m.a. að nýsköpun, hönnun og upplifun, sjálfbærni og stefnumótun.

Ratsjá Markaðsstofanna 2025 er þannig ferli sem stuðlar að skýrari, sterkari og framtíðarmiðaðri ferðaþjónustu fyrir allt landið.

Litlu skrefin skapa stærstu umbreytingarnar.
Ný rannsókn meðal tíu ferðaþjónustufyrirtækja víðs vegar um landið sýnir að einfaldar, markvissar aðgerðir – skýrari upplýsingagjöf, fyrirsjáanlegra þjónustuferli og sterkari mannleg tengsl – geta bætt rekstur, aukið ánægju gesta og styrkt samfélög. Rannsóknin, unnin í samstarfi við aðila ferðaþjónustunnar og Háskóla Íslands, dregur fram að litlar umbætur og valdeflt starfsfólk eru oft stærsti ósýnilegi auður fyrirtækja. Með því að velja fá, skýr og framkvæmanleg markmið og hvetja teymi til þátttöku geta fyrirtæki byggt upp stöðugri, ánægjulegri og sjálfbærari starfsemi – skref fyrir skref.

Grindavík - Saman í sókn

Verkefnið Grindavík – Saman í sókn var formlega sett af stað 12. nóvember þegar 21 fyrirtæki í Grindavík komu saman í Gjánni til að hefja sameiginlega vinnu að endurreisn og framtíðarsókn atvinnulífs bæjarins. Á fundinum ríkti sterkur vilji, samstaða og bjartsýni, og þátttakendur leggja nú upp í sex vinnulotur sem munu kortleggja tækifæri, greina þarfir og móta sameiginlega framtíðarsýn. Verkefnið, sem unnið er í samstarfi Sambands sveitarfélaga á Suðurnesjum, Markaðsstofu Reykjaness, Grindavíkurbæjar og Íslenska ferðaklasans, hefur það að markmiði að efla rekstrarhæfni, skapa ný tækifæri og styrkja fjölbreyttar stoðir atvinnulífs Grindavíkur með framsýni og nýsköpun að leiðarljósi.